Хүүхдийн секторын харьяа “Дэгдээхэй” цэцэрлэгийн багачууд өнгөрсөн сарын 27-нд Чингисийн хүрээ цогцолборт “Алтан намар” сэдэвт аялал зохион байгуулжээ. Энэхүү аялалд эцэг эхчүүд ч хамт явсан байна. Уг аяллын үеэр Б.Ууганчимэг, С.Ундрах багштай бэлтгэл бүлгийн багачууд эцэг эхчүүддээ шинэ хичээлийн жил эхэлснээс хойш сурсан мэдсэн зүйлсээ тайлагнаж сурсан шүлгээ уншиж, дуугаа дуулж, хөдөлгөөнт гимнастикаа хийсэн байна. Мөн багш нар нь намрын улирлын цаг уурын онцлог, өвс ургамалд гарч байгаа өөрчлөлтийн талаар ярьж тайлбарлаж, багачууд эцэг, эхчүүдийнхээ хамт навч, өвс ургамлыг ашиглан бүтээлүүд хийжээ.
