Алаг уулын ам боомтоор Хятад-Европ чиглэлийн 6000 гаруй ачааны галт тэрэг зорчив

Есдүгээр сарын 2-ны 17:00 цагт цахилгаан механик тоног төхөөрөмж, шинэ эрчим хүчний эд анги, өргөн хэрэглээний бараа бүтээгдэхүүн дүүрэн тээсэн Хятад-Европын ачааны галт тэрэг Шиньжяны Алаг уулын ам өртөөнөөс хөдөлж, Польшийн Малашевиче хотыг зорилоо. Ийнхүү энэ онд Алаг уулын ам төмөр замын боомтоор 6000 гаруй Хятад-Европ, Хятад-Төв Азийн ачааны галт тэрэг нэвтэрчээ.

Он гарснаас хойш Алаг уулын ам хотын захиргаа нь төмөр зам, гааль, хилийн хяналтын байгууллагуудтай хамтран зохицуулалттай үйл ажиллагааны механизмыг бий болгосны үр дүнд эдгээр галт тэрэгний гаалийн бүрдүүлэлтийн хугацааг дөрвөн цагаас бага болгож, хил дамнасан логистикийн үр ашгийг эрс нэмэгдүүлжээ.

Шиньжяны Алаг уулын ам боомт нь Хятад-Европ, Хятад-Төв Азийн ачааны галт тэрэгний баруун хэсгийн гол коридор болж үйлчилдэг. Одоогоор тус боомтоор дамжин өнгөрч буй 129 маршрут байдаг бөгөөд Герман, Польш зэрэг 21 улстай холбогдож, цахилгаан механик тоног төхөөрөмж, шинэ эрчим хүчний бүтээгдэхүүн, автомашины сэлбэг хэрэгсэл, өргөн хэрэглээний бараа зэрэг 200 гаруй төрлийн бараа бүтээгдэхүүнийг тээвэрлэдэг.

Одоогийн байдлаар Хятад-Европ, Хятад-Төв Азийн ачааны галт тэрэгний хөдөлгөөний хэмжээ тогтвортой хэвээр байж, Төв Ази, Европын зах зээлд "Хятадад үйлдвэрлэв" бүтээгдэхүүний тоо улмаар нэмэгдэж байна.